University of Virginia Library


20

VII. ANE REPROCH TO YE PRATLER.

Enviouse wretch, on earth ye most ingrait,
In Venus Court thy libertie is loissed,
Deseruing punischment as Momus mait,
Misconstruing ladies mirrily disposit.
If proud Ixion, in ye hels incloisit,
Doth suffer tortour on ye restles quheele,
Justly from all felicity depoisit,
Junois discredit quho did not conceale;
And if Acteon Cynthya's ire did feele,
Turn'd in a hert, (thus for a vieu revengit),
Much more thou, then, quho ladyes did reveale,
In worse then he demerites to be chaingit;
Form'd in a doge, to bark at such, most meet,
As chalmer talk divulgats on ye street.

Finis,

1614.