The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
The Story of England | ||
Concordati sunt per Reginam.
Bot þe quene, dame Genwys,Sche acorded boþe partys;
Scheo peyned hure acord to make,
ffor loue of þe Romayns sake;
Algate scheo peyned hure so,
Til acord sche brought þem to.
Al þe wynter scheo dide þem byde,
199
Þe pes was take, þe partys swore,
Bot Vaspasian swor first byfore.
Þe kyng, fro þat ylke day,
Al his lyue ȝald Rome þer pay;
Hys oþ ne let he neuere falle,
Bot ay worschiped Romayns alle,
And wyþ help of Vaspasian
Al Irlonde he wan;
Þe folk, þe lond, he couþe wel loke;
At Colchestre he lis, we fynde in boke.
A bok, men calleþ hit Iuuenal,
Of stories hit spekeþ al,
At Gloucestre, þer hit lys,
And þe quene, dam Genwys.
The Story of England | ||