The Complete Works of John Gower Edited from the manuscripts with introductions, notes and glossaries by G. C. Macaulay |
 |
 | The Complete Works of John Gower |  |
Touchende of Slowthe in his degre,
Ther is yit Pusillamite,
Which is to seie in this langage,
He that hath litel of corage
And dar no mannes werk beginne:
So mai he noght be resoun winne;
For who that noght dar undertake,
Be riht he schal no profit take.
Bot of this vice the nature
Dar nothing sette in aventure,
Him lacketh bothe word and dede,
Wherof he scholde his cause spede:
He woll no manhed understonde,
For evere he hath drede upon honde:
Al is peril that he schal seie,
Him thenkth the wolf is in the weie,
And of ymaginacioun
He makth his excusacioun
And feigneth cause of pure drede,
And evere he faileth ate nede,
Til al be spilt that he with deleth.
He hath the sor which noman heleth,
The which is cleped lack of herte;
Thogh every grace aboute him sterte,
He wol noght ones stere his fot;
So that be resoun lese he mot,
That wol noght auntre forto winne.
Confessor.Ther is yit Pusillamite,
Which is to seie in this langage,
He that hath litel of corage
And dar no mannes werk beginne:
310
For who that noght dar undertake,
Be riht he schal no profit take.
Bot of this vice the nature
Dar nothing sette in aventure,
Him lacketh bothe word and dede,
Wherof he scholde his cause spede:
He woll no manhed understonde,
For evere he hath drede upon honde:
Al is peril that he schal seie,
Him thenkth the wolf is in the weie,
And of ymaginacioun
He makth his excusacioun
And feigneth cause of pure drede,
And evere he faileth ate nede,
Til al be spilt that he with deleth.
He hath the sor which noman heleth,
The which is cleped lack of herte;
Thogh every grace aboute him sterte,
He wol noght ones stere his fot;
So that be resoun lese he mot,
That wol noght auntre forto winne.
And so forth, Sone, if we beginne
To speke of love and his servise,
Ther ben truantz in such a wise,
That lacken herte, whan best were
To speke of love, and riht for fere
Thei wexen doumb and dar noght telle,
Withoute soun as doth the belle,
Which hath no claper forto chyme;
And riht so thei as for the tyme
Ben herteles withoute speche
Of love, and dar nothing beseche;
And thus thei lese and winne noght.
Forthi, my Sone, if thou art oght
Coupable as touchende of this Slowthe,
Schrif thee therof and tell me trowthe.
Amans.
Mi fader, I am al beknowe
311
As forto telle in loves cas.
Min herte is yit and evere was,
As thogh the world scholde al tobreke,
So ferful, that I dar noght speke
Of what pourpos that I have nome,
Whan I toward mi ladi come,
Bot let it passe and overgo.
Confessor.
Mi Sone, do nomore so:
For after that a man poursuieth
To love, so fortune suieth,
Fulofte and yifth hire happi chance
To him which makth continuance
To preie love and to beseche;
As be ensample I schal thee teche.
| The Complete Works of John Gower | |