 | The Lay-Folks' Mass-Book |  |
After
þat, fast at hande,
Comes þo tyme of offrande;
Offer or leeue, wheþer þe lyst,
how þou shulde praye, I wold þou wyst.
I-whyls þou stondes, I rede þou saye
als next is wryten, god to paye:
Ihesu, þat was in Bethlem borne,
Comes þo tyme of offrande;
Offer or leeue, wheþer þe lyst,
how þou shulde praye, I wold þou wyst.
I-whyls þou stondes, I rede þou saye
als next is wryten, god to paye:
And thre kynges come þe by-forne,
þai offerd gold, ensense, & myrre,
and þou forsoke none of þirre,
bot wissed hom wele alle thre
home a-gayne to hor contre:
Right so oure offrandes þat we offer,
and oure praieres þat we profer,
þou take, lorde, to þi louyng,
& be oure helpe in al-kyn thyng,
þat alle perels be for-done;
oure gode ȝernynges þou graunt vs sone,
of al oure mys þou vs amende,
In al oure nede vs socoure sende.
amen.
| The Lay-Folks' Mass-Book | |