 | Guy of Warwick |  |
When Oisel y-seþ sir Tirri,
Þat was hir lef & hir ami,
For ioie sche swoned omong hem.
Þer wende sche nouȝt to finden him.
Tirri nam hir in his armes tvo,
& sweteliche seyd to hir þo,
‘Mi swete leman, no drede þe nouȝt:
Hole & sounde icham hider brouȝt.’
Amonges hem was ioie & blis,
And soiournd þere, y-wis,
To her wille in þat palais:
Sir Amis was hende & curteys.
So on a day biþouȝt him sir Gij
Þat long soiournd hadden hy.
Amis he cleped to him & sir Tirri:
‘Herkeniþ to me,’ seyd sir Gij.
‘Soiournd we haue here anow:
Now is time we go fram ȝou
To Gormoise to þerl Aubri:
Wele y wot he is for ous sori.
Of-sende ichil baroun & kniȝtes,
& ern ichil opon þe douk wiþ gret miȝtes,
& mine felawes out of prisoun bring:
Ich no may hem forȝete for no þing.
Ich man schal his miȝt don,
For to awreke him of his fon.’
‘Sir,’ quaþ Amis, ‘ichil go wiþ þe,
And a þousend kniȝtes forþ wiþ me,
A þousend seriauns also
Wele on hors, wiþ-outen mo.’
‘Gramerci, sir,’ þan seyd Gij,
‘On þe al mi trust is, sikerli.’
Þat was hir lef & hir ami,
For ioie sche swoned omong hem.
Þer wende sche nouȝt to finden him.
Tirri nam hir in his armes tvo,
& sweteliche seyd to hir þo,
‘Mi swete leman, no drede þe nouȝt:
Hole & sounde icham hider brouȝt.’
Amonges hem was ioie & blis,
And soiournd þere, y-wis,
To her wille in þat palais:
Sir Amis was hende & curteys.
So on a day biþouȝt him sir Gij
Þat long soiournd hadden hy.
Amis he cleped to him & sir Tirri:
‘Herkeniþ to me,’ seyd sir Gij.
‘Soiournd we haue here anow:
Now is time we go fram ȝou
350
Wele y wot he is for ous sori.
Of-sende ichil baroun & kniȝtes,
& ern ichil opon þe douk wiþ gret miȝtes,
& mine felawes out of prisoun bring:
Ich no may hem forȝete for no þing.
Ich man schal his miȝt don,
For to awreke him of his fon.’
‘Sir,’ quaþ Amis, ‘ichil go wiþ þe,
And a þousend kniȝtes forþ wiþ me,
A þousend seriauns also
Wele on hors, wiþ-outen mo.’
‘Gramerci, sir,’ þan seyd Gij,
‘On þe al mi trust is, sikerli.’
| Guy of Warwick | |